INFORMAZIO OHARRA

INFORMAZIO OHARRA

Herenegun -hilak 10- bilera bat egon zen Ikastolan, Kontseilu Errektoreak Ikastolako Enpresa Batzordea deitu zuelako. Langileon aldetik, Batzordeak hiru eskaera eroan zituen:

  1. Familiak informatu ahal izateko, gurasoen e-mailak erabili ahal izatea.
  2. Biltzar Nagusiko gai ordena optimizatzea.
  3. Langileok Biltzar Nagusira joan ahal izatea.

Kontseilu Errektorearen erantzunak:

  1. Datuen babeserako legea dela-eta, heziketara bideratutako mezuak baino ezin direla bidali Ikastolatik familietara.
  2. Gai ordena Kontseilu Errektoreak egiten duela eta hori ez dela langileon eskumena.
  3. Leku arazoak direla-eta, ez garela denok aretoan sartuko eta ordezkaritza bat bidali nahi izanez gero, pentsatuko dutela baimena eman ala ez.

Gure balorazioa:

1. Une honetan, Larramendi Ikastolako familientzat, zer-nolako informazioak dauka interes handiagoa? Txarriboda egingo dela? Ibilaldiko arropa salduko dela? Nafarroa Oinezera joateko autobusa antolatuko dela? Kontseilu Errektoreak langileokin egin behar zituen bileren egutegia familiei jakinarazteak? Ados gaude, informazio hori guztia zabaldu egin behar da, baina gai horiek LANGILEON IRITZIAk bezainbesteko lotura daukate heziketarekin, ez ala? Ezein bazkidek ez luke zertan informatua izateko arazorik ipini, gaia denoi dagokigu-eta. Hala eta guztiz, ez irakurtzeko aukera ere izango luke. Beraz, non dago arazoa? Informatzeko eskubidea murriztu zaigu eta gero, batzuei, ez zaie gustatzen autobus geltokietara joaten bagara gurasoei informazioa zuzenean ematera, aurre egiten digute eta familiei gure informazioa ez jasotzeko esaten diete, jarrera oldarkorraz. Informazio kontrastearen beldur, ala? Zer egin behar dugu, bada? Isildu? Larramendi Ikastolako langileak gara, irakasleak, sukaldariak, administrariak, mantenukoak …, ez gara arrotzak, ezagutzen gaituzue, sekula ez dugu ezer egingo Ikastolaren kontra, mesedez eta faborez, utziozue gu deabrutzeari …!!!

2. Biltzarrean, lehenengo, Kontseiluaren jarraipena bozkatuko da eta berresten bada, gaur egunera arte 7 dimisio izanda jarduten ari den Kontseilua osatzeko, kontseilu-kide berriak aukeratuko dira. Eta berresten ez bada? Kasu horretan, ez dakigu zein puntutara pasatuko garen. Hala eta guztiz ere, hiru puntu geroago, Kontseiluaren jarraipena bozkatuko da berriro eta, berresten ez bada, Kontseilu berrirako kontseilu-kide berriak aukeratu beharko dira. Gure proposamena puntu horiek batera tratatzea izan da, bazkideekiko koherentzia eta errespetuagatik. A ze nolako Biltzarra eskainiko zaien gurasoei! Ala helburua batzarra luzatzea da, jendea gogaitu eta alde egiteko, horrela bozketa irabazi ahal izateko? Tristea litzateke hain gatazka larria konpontzeko, bideak ipini eta batasuna bilatu beharrean, bozketa bidez ebatsi nahi izatea.

3. Biltzarrera joateko langileon interesak Ikastolak noraino kezkatzen gaituen adierazten du. Gure ardurak ez dira soldata igoera, lan baldintza hobeak …, ez, gu kezkatzen gaituena da zelan lotuko ote den Ikastola nahaspila honen ostean, zelako giroa eta zelako lan-harremanak izango ditugun agintari berriekin, zer-nolako proiektu pedagogiko garatu ahal izango dugun zuen seme-alabekin … Ulertu ahal dugu leku arazoak egotea, baina alde bik ezin dute gatazka bat inoiz konpondu, bakar baten ahotsa entzuten bada soilik. Zeren eta badirudien ahaztu egin zaiela Ikastola guk geuk egiten dugula egunero. Ikusita ze tonutan egiten diguten berba -dena da agindu lehorra, dena da “atzoko” …-, beldur gara geletan ere ez ote diren sartuko, eskolak zelan eman behar ditugun esatera. Espioitza lana ere egiten digute, ahaztuz Ikastolan elkartzen bagara, lankideak garelako ere badela eta elkarren beharra dugulako. Lan giro egoki eta atsegin batetik, non emaitza akademiko bikainak lortzen aritu garen, non matrikulazio datu ezin hobeak edukitzen aritu garen, non Bizkaiko ikastolen eredu izan garen, non, hobetzeko asko dagoelarik, funtsezko ezer ez dagoen hain premia larriz aldatu beharrekoa …, irakaskuntzarako giro desegoki, desorekatzaile, zakar batera pasatu gara, non langileok noraezean sentitzen garen, baztertuak, ez errespetatuak, non ikasturtea zelan amaituko ote dugun ez dakigun, non Bizkaia mailako ikastolen kezka iturri bihurtu garen, non inolako marko pedagogikorik ez duten proiektu-zirriborroak ezarri nahi dituzten, ezjakinen aldetik eta kosta ahala kosta, Ikastola auskalo nora eroango dutenak … Guk konfiantzan oinarritutako lankidetzaren alde egiten dugu, non familiak eta langileak batera ibiliko garen, helburu komunak oinarri. Hobetu dezagun hobetzeko dagoena. Beste estilo batez.

Larramendi Ikastolako langileen batzarra

Mungian, 2015eko abenduaren 12an

IDAZKI INFORMATIBOA

Guraso agurgarriak

Ikastolako langileok geure lana normaltasun osoz egiten ari bagara ere, kezka larri bat darabilgu buelta bueltaka buruan eta zuekin partekatu nahi dugu.

  • Sortu den egoera ez da inoren gustuko eta ez zen inoiz gertatu behar izan. Alde bi aurrez aurre ikastolan, biok ikastolarentzako onena nahi dugula esanez, baina bestearekiko mesfidantzaz, informazio ezaz eta errespetu faltaz. Ikastetxe batean zer irakatsi behar dugu, bada, pertsonen arteko gatazkak konpontzea ez bada? Adibide eskasa gabilzkio ematen Ikastolako komunitate osoari. Langileok egindako okerrengatik barkamena eskatzen dizuegu, gure asmoa eraikitzea baita, sekula ez arrangura sortzea. Ikastolak ez zuen hau merezi.
  • Izan ere, Larramendi Ikastolak oso ibilbide arrakastatsua egin du orain arte, urtetan lanean aritu diren guztiei esker: guraso, ikasle, irakasle, langile … Emaitza akademikoak punta-puntakoak izaten dira eta gazteak ondo prestatuta irteten dira ikastolatik mundura. Larramendi Ikastola erreferente bat da eskualde osoan, kokatuta dagoen paraje zoragarriagatik ez ezik, eskaintzen duen proiektu pedagogikoagatik ere. Azken urteotako matrikulazio datu bikainak dira horren adierazlerik egokienak.
  • Ikastola erakargarria da orain arte egin den lanari esker; honaino heltzeko ibili dugun bideak, beraz, bestelako errespetu bat beharko luke Kontseilu honen aldetik, hobetzeko moduko ikastola bat daukagulako, baina urrats sendoak ematen jarraitzeko, konfiantzan eta elkarlanean oinarritzeko eskatzen duena.
  • Kontseilu errektorea eta langile taldearen artean ez dago ez elkarrenganako konfiantzarik ez elkarrekiko komunikaziorik. Existituko ez bagina bezala egin du gurekin Kontseiluak, ahaztuz langileok garela ikastola egunero-egunero egiten dugunak, geu garela umeen zaintzaz, elikaduraz eta heziketaz arduratzen direnak, haien euskalduntasuna elikatzen dutenak, ingurugiroarekiko errespetua irakasten dietenak. Gurasoon aliaturik hurbilena gara zeuen seme-alaben heziketa prozesuan. Eta arrotzak bagina bezalaxe tratatu gaituzte. Mesedez, errespetu handiagoa, gero!
  • Hori eta gauza gehiago ere bagara ikastolako langileok eta ikastola oso gure sentitzen dugu. Eta hori apaltasun osoz esaten dugu, oso-osoaz. Gure beharra ere badelako, jakina; hala eta guztiz, lana baino askoz gehixeago da guretzat ikastola.
  • Ez gara botere-jabetzaz ari, ez da hori gure ardura, gurea jabetza sentimentala da. Ikastola geurea ere bada eta horrexegatik arduratzen gaitu honenbeste. Gutako askok urteak daroaguz berton lanean, zuotako askoren andereño edota maisu izanak gara; bueltan bazatozte, zerbait ondo egiten dugun seinale! Joan zinetenean, guk ikastolan segitu genuen. Seme-alabekin itzuli zaretenean, berton topatu gaituzue. Zuen seme-alabak joaten direnean, guk berton segituko dugu. Zelan ez da izango, bada, Ikastola, gurea zuena bezainbeste, gutxienez?
  • Baina geu ere ez gara lehengoak, ez. Ikastola garai berrietara egokituz joan da bere historia osoan zehar. Horretarako, langileok etengabeko prestakuntzan aritzen gara ikasturtez ikasturte eta berrikuntza teknologiko zein metodologikoak ezartzen ditugu. Talde pedagogikoaren eztabaida iraunkorrak markatzen ditu erritmoak, aztertzen ditu gaiak, ematen du iritzia eta hartzen ditu erabaki pedagogiko guztiak. Horixe da guk aspaldi martxan dugun berrikuntza pedagogikoetarako bidea. Eta bertan, ikastolako edozein partaideren iritziak dauka leku, betiere nork bere lekutik eraginez, errespetuz.
  • Ikastola hobetu nahi dugu denok. Egin dezagun, bada. Baina ez ahaztu, arren, gu lehendik ere ari ginela, egunero-egunero, Ikastola hobetu gurean; ez kezkatu, une nahasi hauetan ere, harridura eta samina nagusitu zaizkigularik, umeak eta euren heziketa prozesua ditugulako erdigune; eta ez ahaztu ere, arren, zuok joan eta gero ere, hemen segituko dugula lanean, hurbiltasunez, zintzotasunez eta begirunez lan egin nahi duen edozein kontseilu errektorerekin batera, horixe izan delako orain arte hain ondo funtzionatu duen eredua: gurasoak eta langileok bat eginda, helburu partekatuaz.
  • Ez da erraza, une honetan, konponbide onik topatzea. Ahalegindu gaitezen, sikiera, txarren arteko onenari eusten, denborak zauriak miazkatu bitartean. Eskatzen diogu Kontseilu errektore honi lekua uzteko beste guraso batzuei. Eskatzen diogu gurasoen batzarrari Ikastolaren alde urrats bat emateko eta kontseilu berria aukera dezala. Eskatzen diogu kontseilu berriari lan egin dezala alde biak berriz elkartzen laguntzeko, elkarrekin lan eginez Ikastola are hobea izango delako. Horra gure apustua.

ZENBAIT KONTU

    • Ez da egia Kontseiluak inolako hartu-eman positiborik izan duenik ez langile batzordearekin ez gainontzeko langileekin. Zoritxarrez, oso urrun gaude elkarrengandik.
    • Informatzeko gure modua kritikatu da, batez ere Kontseiluari helarazi genion azken idazkia dela-eta. Barkatzeko eskatu nahi dugu, ez da gure asmoa inor mintzea. Helburu bakarra gure iritzia jakinaraztea izan zen. Haserretu egin dira, ahoa zabaltzen dugun guztietan bezalaxe. Isilik geratzen garen guztietan bezalaxe. Egiten dugulako eta egiten ez dugulako. Honelaxe gaituzte azken hilabeteotan.
    • Langileekiko informazio batzarrak: tonu lehorra erabiliz, kudeaketa Errektore Kontseiluaren ardura dela eta gu langile hutsak baino ez garela azaldu zitzaigun. Ez daukagula zer esanik eta dagokiguna dela haien erabakiak onartzea eta kito. Hori aurretiaz ere jakin izan dugu, baina, benetan uste duzue ez daukagula zer esanik Ikastolan? Ez daukagula zer eskaintzerik? Hori al da Ikastolarentzat nahi duzuen eredua, egunero bertan lan egiten dugunoi jaramonik ez egitea?
    • Ez da erraza gure ikasleak motibatzea berritzearen kontra gaudela entzuten dugunean, Ikastola enpresa ikuspegi batetik ikusi behar dugula agintzen zaigunean, hezteko gure gaitasuna ere kolokan ipintzen dutenean …
    • Oso gogorra da egunero-egunero heltzen zaizkigun mezu iraingarriei aurre egitea, kanal ezegokien bidez zabaltzeaz gain, egileak anonimatotasunean ezkutatzen baitira, nahi dutena esanez, pertsonei min emanez …
    • Eta oso gogorra da, baita ere, ikustea zelan familia batzuek badaukaten eta euren erara erabiltzen duten gainontzeko familia eta langileontzat konfidentziala den informazioa. Nork ematen die informazio hori? Langileoi ukatzen zaigun berbera, konfidentziala delakoan, hain zuzen ere.
    • Langileak kontratatzeko irizpide berriak oso dira bitxiak: irakasleei lanean beharko ez duten prestakuntza eskatzen zaien bitartean (IT txartela Haur Eskolan, ingelesa Haur Hezkuntzan …), kudeatzaile berriari ez zaio eskatuko ez euskara maila ofizialik, ez ingelesik, ez informatikarik …, ez du ezta heziketa munduarekin harremanik izan behar ere. Nork zuzendu behar du, orduan, Ikastola? Abokatu batek? Ekonomialari batek? Irakasleok, zelan helarazi behar dizkiogu gure kezkak, eskola bat zer den jakitea eskatu ere egiten ez bazaio? Normala iruditzen zaizue?
  • Azkenik, Kontseilu Errektorearekin azaroko azken astean izandako batzarrean gorde genuen isiltasunaren zergatia azaldu nahi dizuegu. Irailetik ari gara langileok batzar bat eskatzen. Behin eta berriro ukatu zaigu eskubide hori eta orain, hile bi beranduago, heldu zaizkigu esanez etapaka banatuko gaituztela. Hori ikusita, entzutera joatea erabaki genuen, gero, bakoitzari esandakoak entzunda, jasotako informazioa baloratu eta geure iritzia emateko. Idazki honetan duzue gure isiltasunaren eta ezinegonaren azalpena. Izan bedi Ikastolaren faborerako.

Larramendi Ikastolako langileon batzarra

2015-12-01

ESCRITO INFORMATIVO

ESCRITO INFORMATIVO DE TRABAJADORES DE LARRAMENDI IKASTOLA

Estimadas familias

Las trabajadoras y trabajadores de ikastola, pese a estar trabajando con absoluta normalidad, queremos haceros participes de una situación que nos preocupa profundamente.

  • La situación que se ha creado no es del gusto de nadie y nunca tendría que haberse dado. Dos partes enfrentadas en Ikastola, las dos diciendo que quieren lo mejor para Ikastola, pero con desconfianza, desinformación y falta de respeto. ¿Qué debemos enseñar en un centro escolar, si no es a resolver los conflictos humanos? Estamos ofreciendo a la comunidad escolar de Larramendi Ikastola un ejemplo de cómo no hay que hacer las cosas. Las y los trabajadores os pedimos disculpas por todo lo que hayamos hecho mal o haya molestado a alguien, nuestro rumbo va hacia construir y no queremos causar malestar a nadie. Pero Ikastola no se merecía esto.
  • Los trabajadores no nos merecemos ser “reñidos” por un Consejo Rector que no ha sido capaz de informar, de transmitir, de comunicar, de buscar sintonías, de trabajar en cooperación… Los últimos meses están siendo terriblemente duros para nosotras y nosotros, con un equipo directivo sin poder directivo, un equipo pedagógico ninguneado y cientos de familias desinformadas.
  • Larramendi Ikastola ha hecho un recorrido exitoso hasta hoy en día, gracias al trabajo de familias, alumnado, colaboradores, trabajadores… Larramendi Ikastola es un referente en toda la comarca, no solo por el enclave de lujo en que está situada, sino también, por el proyecto pedagógico que ofrece y por los resultados académicos que cosechan nuestras alumnas y alumnos. Los excelentes datos de matriculación de estos últimos años así lo corroboran.
  • Ikastola es atractiva por el trabajo que se ha realizado hasta ahora; el camino recorrido merece, por tanto, mayor respeto por parte del Consejo Rector, ya que tenemos una ikastola preparada para mejorar, pero que, para seguir avanzando con paso firme, necesita trabajar desde la confianza y el trabajo en común. Y si hay que cambiar algo, cambiemos lo que realmente funciona mal. Y decidámoslo entre todos los que hacemos Ikastola.
  • Entre el Consejo Rector y los trabajadores no existe ni confianza ni comunicación. Ha actuado como si no existiéramos, olvidándose que somos nosotras y nosotros quienes hacemos ikastola todos los días, que somos nosotras y nosotros quienes nos encargamos del cuidado, alimentación y educación de las niñas y los niños en Ikastola, quienes les transmiten el euskara, el respeto por el medio ambiente, quienes se preocupan de su formación académica, quienes llevan años de formación permanente para aportar más calidad pedagógica… Somos vuestro mejor aliado en el proceso educativo de vuestras hijas e hijos. Y se nos trata como si fuéramos ajenos a todo ello, dan la impresión de que Ikastola iba a la deriva hasta que aparecieron ellas y ellos. ¡Por favor, un respeto!
  • Las y los trabajadores de Ikastola somos eso y mucho más, porque sentimos ikastola como nuestra. Y decimos eso con toda la humildad. A fin de cuentas, también es nuestro trabajo. Aun así, Larramendi Ikastola, para nosotras y nosotros, es muchísimo más que un puesto de trabajo.
  • No hablamos del poder de la propiedad, no es algo que nos preocupe; nuestro sentimiento de propiedad es precisamente eso, sentimiento. Ikastola también es nuestra y por eso nos preocupa tanto. Muchas y muchos de nosotros llevamos muchos años trabajando aquí, hemos sido educadores de muchos de vosotros; cuando volvéis a Ikastola, nos alegra, es señal de que algo estamos haciendo bien. Cuando os fuisteis, nosotras seguimos en ikastola. Habéis vuelto con vuestras hijas e hijos, y aquí nos habéis encontrado. Cuando ellas y ellos también se vayan, nosotras y nosotros seguiremos aquí. ¿Cómo no va a ser ikastola tan nuestra como vuestra, como mínimo?
  • Nosotros y nosotras también hemos cambiado. Ikastola, a lo largo de toda su trayectoria, se ha ido adaptando a nuevas corrientes pedagógicas, a metodologías más dinámicas y enriquecedoras, a las nuevas tecnologías. Para ello, los trabajadores trabajamos en formación permanente curso a curso y vamos introduciendo mejoras pedagógicas, metodológicas, tecnológicas… La evaluación continua de los equipos pedagógicos marca los ritmos, estudia los temas, opina y son ellos quienes toman las decisiones pedagógicas. Ese es el camino que nosotras y nosotros proponemos para la renovación pedagógica. Y es ahí donde deben tener cabida las opiniones de cualquier miembro de la comunidad educativa de Larramendi Ikastola, que deben ser respetadas y tenidas muy en cuenta, siempre desde el lugar que le corresponde a cada uno.
  • Todas y todos queremos mejorar Ikastola. Hagámoslo, pues. Pero no olvidéis, por favor, que antes de que llegaseis, nosotras ya estábamos trabajando todos los días por una ikastola mejor; no os preocupéis, ya que en estos momentos tan extraños y dolorosos, nuestro punto de atención principal siguen siendo los niños y su proceso educativo; y tampoco olvidéis, por favor, que cuando vosotras y vosotros dejéis Ikastola, nosotras y nosotros seguiremos aquí trabajando, con cercanía, con sinceridad y con respeto con cualquier Junta, ya que ese ha sido el modelo que tan buenos resultados ha dado a Ikastola todos estos años: familias y trabajadores unidos por objetivos comunes.
  • A estas alturas, no es fácil encontrar una solución buena. Esforcémonos por conseguir la menos mala y trabajemos todas y todos para lamernos las heridas y levantarnos más fuertes. Le pedimos al Consejo Rector que ceda su lugar a otras madres, a otros padres. Le pedimos a la asamblea de familias de Larramendi Ikastola que dé un paso al frente para relanzar a Ikastola y que elija un nuevo Consejo Rector. Le pedimos al nuevo Consejo Rector que trabaje para posibilitar un reencuentro entre las dos partes, ya que estamos convencidas y convencidos que actuando con confianza y sinceridad haremos una Ikastola aún mejor. Esa es nuestra voluntad.

ESTAS SON LAS CAUSAS CONCRETAS DE NUESTRA ACTITUD

  • No es cierto que haya habido sintonía ni con el comité de empresa, ni con los trabajadores. Estamos muy lejos de entendernos.
  • Llevan desde el curso pasado esbozando una innovación pedagógica, con confidencialidad. Seguramente, las familias sabéis, a día de hoy, más sobre dicha innovación que los trabajadores, ya que aún no nos han hecho participes de dicho esbozo.
  • Se nos ha criticado por nuestra manera de informaros, sobre todo por la última comunicación que le hicimos al Consejo Rector. Pedimos disculpas por ello a todo aquel que se haya podido sentir perjudicado. No se nos está poniendo nada fácil comunicarnos ni con el Consejo ni con las familias, pero nuestra única finalidad era hacerles saber qué es lo que sentimos. Su respuesta ha sido de enfado, como cada vez que decimos o hacemos o que no decimos o que no hacemos.
  • Reuniones informativas con los y las trabajadoras: se nos aclara contundentemente que es la junta quien gestiona y que nosotros somos simples trabajadores que no tenemos nada que decir y que lo que nos corresponde es acatar las decisiones. Aun sabiendo que eso es legal, ¿creéis que realmente no tenemos nada que aportar? ¿Es ese el modelo de Ikastola que queréis, sin la aportación de quienes trabajamos día a día en ella?
  • Quisiéramos escuchar también la versión de la directora general, pues sabemos que la otra parte también tiene mucho que decir. Pero seguimos con la confidencialidad.
  • No es fácil motivar a nuestros alumnos y alumnas cuando escuchamos que no queremos innovar, cuando se nos dice que tenemos que ver Ikastola desde un punto de vista empresarial y, que incluso, se pone en duda nuestra competencia educativa.
  • Y es muy duro hacer frente todos los días a los mensajes insidiosos que se nos hacen llegar, día sí y día también, a través de canales anónimos e inadecuados.
  • Y es muy duro también ver como algunas familias disponen y transmiten a su antojo información que para la mayoría -familias y trabajadores- es confidencial. ¿Quién les facilita dicha información? Porque a los trabajadores se nos niega…
  • Los nuevos criterios de contratación de personal son muy curiosos: al personal docente se le pide una formación que no va a necesitar en su vida laboral (tarjeta IT en la escuela infantil, inglés en educación infantil…), pero para el puesto de gerente no se pide ni nivel concreto de euskara, ni de inglés, ni de informática… ni siquiera que tenga relación con la enseñanza. ¿Quién va a venir a dirigir Ikastola? ¿Un abogado? ¿Un economista?¿Cómo vamos a trasladarle los profesores nuestras preocupaciones si ni siquiera tiene porqué conocer qué es un centro escolar?¿Os parece eso normal?
  • El Consejo Rector está trabajando con medio equipo, ya que hasta sus propios compañeros han abandonado ese barco (han dimitido 7 consejeros de la Junta). Nos gustaría conocer cuál es la versión personal de cada uno de ellos y que también se hiciese pública, como tantas y tantas otras confidencialidades.
  • Por último, explicaros el motivo de nuestro silencio en la reunión con el Consejo Rector. Desde el principio del conflicto, estamos pidiéndole una reunión con el colectivo de trabajadores de ikastola. Se nos ha negado ese derecho y ahora se nos convoca por etapas. En vista de ello y de que ya han pasado más de dos meses desde que comenzó el conflicto y no nos han hecho ni caso, decidimos ir simplemente a escuchar y luego decidir todos juntos qué opinamos sobre la información recibida. Y en este escrito tenéis la respuesta a nuestro silencio y a nuestro malestar.

Asamblea de trabajadores de Larramendi Ikastola

1 de Diciembre de 2015

KONTSEILU ERREKTOREARI HELARAZI NAHI GENION ESKUTITZA

Langileok kontseilu errektoreari:

Ikastolan lanean hasi ginenetik, ikastola familia bat garela sentitu izan dugu beti, eta hauxe da, gure ustez, Larramendi ikastolaren esentzia. Familia honetan, guraso, langile eta ikasleak elkarrekin lanean ibili izan gara ikastola aurrera ateratzeko, baina azken hilabeteotan familia horren apurketa sentitu dugu, batasun hori hautsi duzuelako, beste familiako kide guztion gainetik jarriz, eta horrek tristura, inpotentzia eta, aldi berean, haserrea eragin dizkigu.

Ondoren adierazi nahi dizkizuegu sentimendu hauen eragileak:

  • Langileok zuekin hitz egin nahi izan dugun bakoitzean, ukatu egin diguzue aukera hori. Eta bide batez, esan behar dizuegu ez dugula ulertzen zergatik jartzen zareten harremanetan gurekin enpresa batzordearen bitartez, ez baita sindikatuei dagokien kontu bat. Talde bat gara, eta informazio zuzena nahiko genuke.
  • Eman zeniguten berba jan duzue, talde lana eta gardentasuna agindu zenizkiguten, eta konfiantzan oinarritutako lidergo baten beharra zabaldu zenuten. Non geratu dira berba horiek?
  • Berdin jokatu duzue Jagolaritza Batzordeak eskatu zizuenean eurekin hitz egiteko. Baita juntakide ohiekin ere. Azken eskariari ere muzin egin diozue. Horretan eskatu genizuen, mesedez, talde neutrala osa dezaketen hainbat partaiderekin biltzeko (zuok, gurasoak, juntakide ohiak, lehendakari ohiak, langileak eta gure zuzendari orokorra ere bai) guztion iritziak bateratuz eta bideratuz, konponbidea aurkitzeko asmotan. Baina berriro ere, ezetz esan duzue.
  • Orain arte, zuen erabakiak, usteak eta lan egiteko moduak baino ez ditugu entzun -eta ez era zuzenean, horrek sor ditzakeen txar ulertzeekin-, baina beste bertsioa ez dugu entzuterik izan, aukera hori ukatzen diguzuelako langileoi, bai eta ikastolako partaide diren beste kide guztiei ere.
  • Zuek agertu arte ikastolak funtzionatzen zuen. Zuek heldu eta dena egon da txarto eginda? Noren kexak entzun dituzue? Langileonak? Gurasoenak? Ikasleenak? Juntakide ohienak? Ikastolen Elkartearenak? Norenak? Gure ustez zeuenak, ez beste inorenak. Norabide bakarreko erabakiak baino ez dituzue errespetatu, goitik beherakoak. Hori ez doa legearen kontra, baina ez da giza legezkoa. Ikastola honetan bestelako balore batzuk irakatsi izan ditugu, orain arte behintzat.  
  • Kalte itzela jasaten ari da ikastola. Izan ere, urte askotan zehar, Larramendi ikastolako hainbat gurasok egindako lanari esker lortutako izen ona orain zalantzatan ipini duzue, erakusten ari zareten jarrerarekin. Eta, txarrena, oraindik ez dakigu zergatik ez eta noren izenean ari zareten ere. Argi baitaukagu ez zaretena gurasoen ordezkari lanetan ari, zeuen buruaren ordezkari baino ez zaretela. Ez duzue zeuen proiektua aurkeztu gurasoen aurrean eta ez diezue iritzia eskatu egiten ari zaretena egiteko.
  • Langileon profesionaltasuna ere ezbaian jarri duzue. Berrikuntzetan murgilduta gaude, etengabeko prestakuntzan, inoiz ez gara gelditu, ikasturte guztietan sartzen ditugu hobekuntzak, bai pedagogikoak bai teknologikoak; emaitzak aztertu eta ondorioetan oinarrituta ematen ditugu pausu berriak.
  • Aldaketez hitz egiten duzue. Zerbait aldatzeko, aztertu beharko litzateke egindakoa, baloratu, ondorioak atera eta, gero, hobetzeko bidean jarri. Zuen kasuan, baina, bidea alderantzizkoa da: inorekin berba egin barik, Ikastola zaharkituta dagoela erabaki duzue eta aldaketak behar dituela. Hori egia balitz ere, ez litzateke zuzenagoa izango protagonista direnekin berba egitea, azterketa serio eta zabala egitea, ondorio argiak ateratzea eta horretan oinarrituta, hurrengo urratsak egitea? Zer-nolako ikastola nahi duzue eraiki zuok bakarrik, langileokin ezertarako kontatu barik? Zer errealitateren gainean atera dituzue ondorio horiek denon arteko azterketarik egin gabe? Horren seguru zaudete zuen egia besteon egia baino egiazkoagoa denaz?
  • Frustrazio ikaragarria sentitzen dugu: hainbat proiektutan hutsuneak daude eta horrek eragin zuzena dauka kudeaketa orokorrean. Junta erdiarekin ari da “funtzionatzen” ikastola -7 lagunek dimititu baitute gaur egunera arte-, egoera jasanezina da. Langileok betiko lez ari gara lanean, baina ezin dugu burutik kendu gertatzen ari dena. Giro honetan, zelan egingo diogu aurre datorren ikasturteko Ibilaldiari?

Azkenik, proposamen argi bat egin nahi dizuegu: elkar gaitezen behingoz mahai baten bueltan Ikastola aurrera atera nahi dugun guztiok eta bila dezagun akordio eta irtenbiderik egokiena. Horretarako ere aukera ematen ez baduzue, utzi lekua kooperatibismoa bere sakontasunean ulertzen duten beste guraso batzuei, komunikazioa era zabalean ulertzen duten beste guraso batzuei, nagusikeriaz jokatuko ez duten beste guraso batzuei, Larramendi Ikastolaren izena garbitzeko prest dauden beste guraso batzuei. Langileok prest gaude gurasoekin batera lan egiteko, beti egon izan garen moduan, gure umeei heziketa proiekturik erakargarriena eskaini asmoz.

SARRERA

INFORMAZIOA BLOG HONETAN PARTEKATZEAREN ARRAZOIAK

Estimadas familias
En este sobre vais a encontrar los siguientes documentos:

  • La carta que enviamos a los miembros del Consejo Rector a su casa, ya que no teníamos otra opción. ¿Por qué os la enviamos a vosotros ahora? Para que veáis que nuestra intención no era hacer daño a nadie, sino explicarles nuestra postura.
  • La opinión de los trabajadores ante las reuniones que el Consejo Rector organizó por etapas. Hemos pedido permiso a la presidenta para poder mandárosla por email, pero nos lo ha denegado. Una vez más, no quieren escuchar la voz unánime de los trabajadores ni que os la hagamos saber a las familias. Así, sólo hay una versión de los hechos, la suya propia.
  • Por último, de ahora en adelante y ante la imposibilidad de informaros de otra manera, podréis leer las comunicaciones de los trabajadores en el siguiente blog:  

http://larramendikolangileria.blogariak.net/

 

Bazkide agurgarriak
Gutun azal honetan ondoko dokumentuak topatuko dituzue:

  • Aurrekoan, beste biderik ez genuela-eta, Kontseilu Errektoreko kideei etxera bidali genien gutuna. Zergatik bidaltzen dizuegu orain zuei? Ikus dezazuen gure asmoa ez zela izan inor mintzea, gure iritzia ematea baizik.
  • Kontseilu Errektoreak langileekin egindako batzarrei buruzko gure iritzia. Izan ere, bazkideei emailez bidaltzeko baimena eskatu diogu lehendakariari eta ezezkoa eman digu. Hortaz, beste aukerarik ez digute utzi -beste behin ere- gure ahotsa entzun dadin eta zuei gure informazioa helarazteko. Horrela, iritzi bakarra jakinarazten da: eurena.
  • Azkenik, zuei gurasoei beste era batez informatzeko ezintasunaren aurrean, aurrerantzean langileon komunikazioak ondoko blog-aren bidez zabalduko ditugula jakinarazi nahi dizuegu:

http://larramendikolangileria.blogariak.net/